10:45, 14 Ақпан 2016 | GMT +5
Мысырда салынып жатқан мешіттің қирауы салдарынан бір адам қаза тапты
АСТАНА. ҚазАқпарат - Жергілікті БАҚ хабарлағандай, ғимарат құрылысы кезінде ереже бұзушылықтар орын алған.

Мысырлық Кафр-эш-Шейх провинциясындағы ауылдардың бірінде салынып жатқан мешіттің қирауы салдарынан бір адам қаза тапты, 20-дан астам адам жарақаттанды, деп хабарлады РИА Новости.
"Аль-Яум ас-Сабиа" басылымы атап өткендей, жұмысшының өліміне және ауылдастарының жарақаттануына шатырдың құлауы себеп болды.
БАҚ ақпаратынша, мешітті салып жатқанда көптеген техникалық ақаулықтар орын алған.