Н.Назарбаев пен Д.Кэмерон екіжақты ынтымақтастықты кеңейту мәселелерін қарады

АСТАНА. ҚазАқпарат - Қазақстан Президенті Нұрсұлтан Назарбаев Ұлыбританияның Премьер-Министрі Дэвид Кэмеронмен кездесті. Бұл туралы Ақорданың баспасөз қызметі хабарлады.

Кездесуде Дэвид Кэмеронның Қазақстанға сапары кезінде қол жеткізілген уағдаластықтарды жүзеге асыру барысы талқыланды.

Атап айтқанда, тараптар сауда-экономикалық, инвестициялық және мұнай-газ салаларындағы екіжақты ынтымақтастықты кеңейту мәселелерін қарады.

Нұрсұлтан Назарбаев пен Дэвид Кэмерон сондай-ақ халықаралық күн тәртібінің өзекті мәселелерін қозғады.