Назарбаев университетінде мектеп мұғалімдеріне сертификат берілді
Бұл бағдарлама бойынша 10 айлық күндізгі курстарда Қазақстанның 12 аймағынан келген 100 мектеп мұғалімі білім алды.
Назарбаев Университеті Коммуникациялар және маркетинг департаментінің хабарлауынша, біліктілікті арттырудың 10 айлық курсының бағдарламасы аталмыш ЖОО-ның Білім беру саясаты орталығының негізінде ұйымдастырылды. Оқулық жобасы Лондонның университеттік колледжінің қатысуымен ұйымдастырылды, курс нұсқаушылары ретінде Ұлыбританияның, АҚШ-тың және тағы басқа елдердің үздік шетелдік мамандары болды. Оқу барысында курсанттарға ағылшын тілін жетілдіру, озық педагогикалық теорияны және жаңа практикалық әдістемелер мен технологияларды игеру мүмкіндіктері берілді. Ғылыми жұмыстар көбінесе түлектердің жеке ғылыми зерттеулеріне негізделген.
Сертификаттарды Назарбаев Университетінің президенті Шигео Катсу және Назарбаев Зияткерлік мектептері Басқармасының төрайымы Күләш Шәмшідинова тапсырады.