«Нелегал» операциясы заңсыз миграцияның 600 оқиғасын анықтады
ПАВЛОДАР ОБЛЫСЫ. Сәуірдің 14-і. ҚазАқпарат /Вера Ливинцова/ - Шекарашылар, Ұлттық қауіпсіздік комитеті және Павлодар облысының полициясы сәуірдің 6-сы мен 9-ы аралығында бірлесіп жүргізген «Нелегал» операциясының барысында өңірде заңсыз тұрып жатқан 600-ден астам азамат анықталды,
деп хабарлайды ҚазАқпарат тілшісі. Республикамызда жүріп-тұру ережелерін бұзған 61 мигрант соттың шешімімен ел аумағынан шығарылды. «Олар негізінен ТМД елдерінің азаматтары», - деді Ішкі істер департаментінің бөлім басшысы Марат Мұстафин.Рейд барысында сондай-ақ іздеуде жүрген үш қылмыскер ұсталды.
