Неміс физигі футболдан болашақ әлем чемпионын есептеп шығарды
АСТАНА. Сәуірдің 22-сі. ҚазАқпарат - Дортмунд университетінің физика ғылымының профессоры формула жасап, соның көмегімен 2010 жылғы ОАР-да өтетін футболдан әлем чемпионын есептеп шығарды. Франс-Пресс агенттігінің хабарлауынша, ғалым Метин Толанның есептеуінше, құрлығымыз біріншілігінде Германия құрамасы жеңіске жетеді.
Формула негізіне неміс ұлттық командасының мұнан бұрынғы әлем чемпионаттарындағы нәтижелері алынған. Осылайша, физик-ғалым неміс құрамасының әлем біріншіліктерінде көрсеткен орташа нәтижесі - үшінші мен төртінші (3,7) орындардың орта шені екенін есептеп шығарды. Оның үстіне Германия үш Әлем чемпионатын (ӘЧ) - 1954, 1974 және 1990 жылдары жеңіп алды. Сөйтіп, немістер әрбір төрт-бес біріншілікті араға салып, чемпион болып отырған.
«Соңғы рет Германия Әлем кубогын 1990 жылы жеңіп алды, демек алдағы ОАР-дағы Әлем чемпионаты содан бергі бесінші біріншілік, ал бұл биылғы жылы бізді жеңу мүмкін емес деген сөз. Қазірден-ақ шампан шарабыңызды салқындата беруіңізге болады», - деп мәлімдеді неміс физигі.
