New York Post өз аккаунтында Астанада McDonald's мейрамханасы ашылғаны туралы видео жариялады
АЛМАТЫ. ҚазАқпарат - New York Post газетінің ресми Фейсбуктағы ресми парақшасында Астанадағы McDonald's мейрамханасының ашылуында болған адам кептелісі туралы видео жарияланды.
Бейнероликтен көшеге дейін шыққан ұзын-сонар кезекті көруге болады.
Роликті 40 мың адам көріп, 200 адам комментарий жазды. Шетелдік оқырмандар бұл жағдайға түрлі пікір білдіруде.
Айта кету керек, Астанада 8 наурызда McDonald's фастфуд желісі ашылды. Елорда әкімі мен БАҚ өкілдері кеше бірінші болып дәмханадан дәм татты.
«New York Post » - АҚШ-тың танымал газеті. Оның негізі 1801 жылы қаланған, тиражы (2011 ж) - 501 мың дана.
