Нидерландыда құс тұмауы анықталды, 160 мыңнан астам тауық жойылмақ

ГААГА. ҚазАқпарат - Нидерланд билігі фермада құс тұмауының өте жұқпалы штамын анықтады. 168 мыңға жуық тауық сойылмақ, деп хабарлайды ҚазАқпарат Reuters агенттігне сілтеме жасап.

Ауру ошағына жақын жерде басқа құс фабрикалары жоқ, бірақ H5N1 вирусының таралуын болдырмау үшін құс етін, жұмыртқаны және құс қалдықтарын 10 км радиуста тасымалдауға тыйым салынады, деп хабарлады Голландияның Ауыл шаруашылығы министрлігі.

2021 жылы індет басталғаннан бері елде жүздеген мың тауықтар, үйректер, күркетауықтар және жабайы құстар қырылды.

Құс тұмауы – ас қорыту және тыныс алу мүшелерін зақымдап, құстардың өлуіне әкелетін жұқпалы вирустық ауру.Дегенмен бұл аурудың көптеген штамдары адамдарға зиянсыз.