Нигерияда теракт салдарынан 40 футбол жанкүйері қаза тапты

АСТАНА. ҚазАқпарат - Оқиға Адамава штатының Муби қаласында футбол матчының телекөрсетілімі жүргізілетін орында болған. Жарылыс салдарынан шамамен 40 адам қаза тапты, деп жазады rosbalt.ru.

Дәл қазіргі уақытта бірнеше денені алып шықты. «Бізде қаза тапқандар жайлы нақты ақпарат жоқ, адамдардың сүйегін қиранды астынан шығару жұмыстары жалғасып жатыр», дейді полиция қызметкерлері.

Әзірше бұл жарылысты ешқандай топ мойнына алған жоқ. Бірақ басты күдікті - елдің солтүстік-шығысындағы ислам мемлекетін құру үшін күрес жүргізіп келе жатқан «Боко Харам» террористік тобы.