NOOC қоры 100 млн тоннадан асатын ірі мұнай кен орнын анықтады

АСТАНА. KAZINFORM — Қытай ұлттық теңіз мұнай корпорациясы CNOOC дүйсенбі күні Оңтүстік Қытай теңізінің шығыс бөлігінде 100 млн тоннадан астам дәлелденген геологиялық қоры бар ірі мұнай кен орнының ашылғанын жариялады, деп хабарлайды Синьхуа.

CNOOC мәліметінше, жақында Қытайда «Хуэйчжоу 19-6» деп аталатын жаңа мұнай кен орны ашылды. Бұл — терең және аса терең қабаттарда орналасқан сынық жыныстары бар Қытай қайраңындағы бірінші ауқымды кен орны.

Кен орны Қытайдың оңтүстігіндегі Шэньчжэнь қаласынан шамамен 170 км жерде, 100 метр тереңдікте орналасқан. Сынақ бұрғылау кезінде тәулігіне 413 баррель мұнай мен 68 мың текше метр газ өндірілді, бұл оның әлеуетін растап отыр.

Теңіз қайраңындағы осындай терең қабаттарда мұнай мен газды барлау кезінде жоғары қысым мен температура, сондай-ақ тау жыныстарының төмен өткізгіштігі сияқты қиындықтар туындайды, бұл үлкен кен орындарын анықтауды қиындатады. Олай болғанымен, әлемдік мұнай мен газ қорының көпшілігі осы терең қабаттарда орналасқан және оларды барлау келешекте өндірістің айтарлықтай өсуін күттіріп отыр.

Қытайлық CNOOC мұнай компаниясы атап өткендей, соңғы жылдары Оңтүстік Қытай теңізінің шығысында бірнеше ірі ашылу жасалды, бұл аймақтағы мұнай мен газ қорының одан әрі өсуіне мүмкіндік береді.

Бұған дейін британиялық мұнай компаниясы Қазақстанға қарсы арыз-талап түсіргенін жазған едік.