Норвегиялық турист викингтердің семсерін тапты
АСТАНА. ҚазАқпарат - Норвегиялық Хаукелли ауылының маңында саяхаттап жүрген турист 1 200 жылдық көне семсер тауып алды.
Артефакт викингке тиесілі деген болжам бар. Сабының болмағанына қарамастан, қылыш жақсы сақталған.
Көне қару дереу археологтарға тапсырылды. Олар бұл семсер 750-800 жылы жасалды деп болжап отыр. Қылыштың ұзындығы 77 см. Сарапшылар атап өткендей, мұндай ұзындық Норвегияның батысында VIII-IX ғғ. тұрған викингтердің қаруына сәйкес келеді, деп жазды zele.ru.
