«Нұр Отан» бос жұмыс орындар жәрмеңкесін өткізуде - ШҚО
ӨСКЕМЕН. 28 наурыз. ҚазАқпарат - Бүгін таңертең «Нұр Отан» ХДП филиалының бас кеңсесінде «Жұмыспен қамту-2020» бағдарламасын іске асыру мәселелері бойынша азаматтарды қабылдаудың бірыңғай күні» республикалық акциясы басталды. Ашылу салтанаты аяқталған соң «Бос жұмыс орындар жәрмеңкесі» басталды.
Мұндай жәрмеңкелер бүгінде партияның барлық қоғамдық қабылдау бөлмелерінде, аудандық және қалалық бөлімшелерінде өтіп жатыр және кез-келген ниет білдіруші мемлекеттік бағдарлама бойынша өзіне жұмыс таңдап ала алады.
Акцияға әлеуметтік-кәсіпкерлік корпорациясының, аудандық шағын және орта бизнес қауымдастығының өкілдері қатысуда. Бос жұмыс орындар жәрмеңкесіне аумақтарда «Жұмыспен қамту-2020» бағдарламасын жүзеге асыратын операторлар қатысатынын атап өту маңызды.
Ашылу салтанатында акция барысында келіп түскен барлық өтініштер жинақталып, талданатын болады деп атап өтілді.
