«Нұр Отан» ХДП облыстық филиалы ауылда қоғамдық қабылдау жұмыстарын жүргізді

ОРАЛ. Қаңтардың 29-ы. ҚазАқпарат /Ғайсағали Ералы/ - «Нұр Отан» ХДП облыстық филиалы Ақжайық ауданы Бударин ауылында қоғамдық қабылдау жұмыстарын жүргізді,

деп хабарлайды ҚазАқпарат тілшісі. Филиалдың қоғамдық қабылдау бөлмесінің меңгерушісі Гүлжан Мұхтарова тұрғындармен кездесіп, мұң-мұқтаждарымен танысты. Ауылдағы әлеуметтік нысандарда болған «нұротандықтар» жергілікті тұрғындарға халықтың әл-ауқатын көтеру бағытында мемлекет тарапынан жүргізіліп отырған жұмыстар жөнінде ақпарат берілді. Аталмыш шара «Нұр Отан» ХДП сайлауалды тұғырнамасын жүзеге асыру, тұрғындардың қатысымен ауылдың өзекті мәселелерін шешу мақсатында ұйымдастырылып отыр.