Нұрқанат Серікбаев әскерилер арасында әлем чемпионы атанды

АСТАНА. KAZINFORM - Дзюдодан әскерилер арасында өтіп жатқан әлем чемпионатында жерлестеріміз бірнеше жүлде жеңіп алды.

Спортты дамыту дирекциясы хабарлағандай, 29 мемлекеттен 214 спортшы қатысып жатқан жарыстың алғашқы күнінде жерлестеріміз 1 алтын, 1 күміс, 2 қола жеңіп алды.

Қазақстандық финал: 60 келіде Нұрқанат Серікбаев финалдық белдесуде өзге отандасымыз Шерзод Давлатовты қосымша уақытта жеңіп кетті. Шерзод Давлатов күміс жүлдені қоржынға салды.

66 келіде Жанарыс Рахметқали Солтүстік Корея өкілі Ри Кум Сонгтан айласын асырды. Ал, 73 келіде Бақытжан Абдурахманов Армения спортшысы Артак Торосяннан басым түсті.

Ташкентте 13 қазақстандық әскери ел намысын қорғап жатқанын жазған болатынбыз.