Нұрлан Ноғаев Атырау облысын бензинмен қамтамасыз ету жағдайына түсінік берді

АСТАНА. ҚазАқпарат -  Атырау облысының әкімі Нұрлан Ноғаев өңір тұрғындарының бензинмен қамтамасыз етілуі жағдайы туралы айтып берді, деп хабарлайды ҚазАқпарат.

«Бүгінгі таңда өңірімізде бензин тапшылығы  жағдайы жоқ»,-деді облыс әкімі Үкімет үйінде өткен баспасөз мәслихатында.

  Оның сөзіне қарағанда, қазіргі уақытта Атырау мұнай өңдеу зауыты қалыпты режімде жұмыс істеп тұр. Күніне онда АИ-92 маркалы 2,4 мың тонна бензин өндірілуде.

 «Атырау мұнай өңдеу зауытынан бөлек, өңірге отынды басқа да жеткізуші компаниялар тасымалдап жатыр. Осындай 22 тасымалдаушы облыста қызмет етіп жүр. Жалпы, өңірде 103 жанар-жағармай құю стансасы бар»,-деді Нұрлан Ноғаев.

Әкімнің айтуынша, АИ-92 бензині облыс аумағында 151-158 теңге аралығында саудалануда.