Нығматулин Қатардағы Парламентаралық одақ Ассамблеясында сөз сөйледі
НҰР-СҰЛТАН. ҚазАқпарат - ҚР Парламент Мәжілісінің төрағасы Нұрлан Нығматулин Қатардағы Парламентаралық одақтың 140-шы Ассамблеясында сөз сөйледі, деп хабарлайды ҚазАқпарат.
Мәжілістің баспасөз қызметінің мәліметінше, дүниежүзінен келген Парламент өкілдерінің жыл сайынғы кездесуінің басты тақырыбы - бейбітшілік, қауіпсіздік, заң үстемдігі және орнықты даму болған.
Әлемнің 178 елінің парламент өкілдерін біріктіретін Парламентаралық одақ сияқты халықаралық беделді алаңда осы мәселелерді талқылау жалпыға ортақ адамзаттық құндылықтардың тек қана мақсат емес, сонымен бірге заманауи көптеген қателердің алдын алудың тиімді жолы болмақ.
Мәжіліс спикері Нұрлан Нығматулин атап өткендей, еліміз Тәуелсіздіктің алғашқы күннен бастап бейбітшілікті, келісімді, қауіпсіздікті сақтай отырып, жалпы адамзаттық құндылықтарға құрметтеу қарау идеясының жақтаушысы.
«Бұл - елімізді ең дамыған әлемдегі 30 елдің қатарына кіру мақсатын қойған Қазақстан Республикасының Тұңғыш Президенті Нұрсұлтан Назарбаевтың ерен еңбегі екені сөзсіз», - деді Нұрлан Нығматулин.
Ол Қазақстанның және еліміздің Тұңғыш Президентінің тұрақты даму мақсаттарына жетуге бағытталған бастамаларға назар аударды.
Бұл жолда, Мәжіліс төрағасы іс-қимылмен үйлестірілген бірлескен күш-жігердің қажеттігіне тоқталды.
«Бұл мәселелерді Парламентаралық одақ Ассамблеясы сияқты маңызды диалог алаңында талқылау ұлттық заңнамаларды біріздендіру және жақындастыру мақсатында біздің елдеріміздің парламенттері арасындағы өзара іс қимылды жан-жақты ынталандыруға, сондай-ақ заңнамалық практикалар мен инновациялық зерттеулер деңгейінде тәжірибе алмасуға мүмкіндік береді», - деді Нұрлан Нығматулин.
Ассамблеяның қорытындысы ағымдағы жылдың шілде айына жоспарланған тұрақты даму жөніндегі жоғары деңгей БҰҰ саяси форумына қосылған парламенттік үлес болып табылады.
Еске сала кетсек, Парламентаралық одақ 1889 жылы әлемдік парламенттердің іс-әрекетін үйлестіру үшін құрылған. Оған Қазақстан 1993 жылы мүше ретінде қабылданды. Одақ қазіргі уақытта 178 ел мен 12 аймақтық парламентаралық ұйымдарды бас қосады.
