ОАР-да 30 мың шахтер жұмыс берушімен келісе алмай шеруге шықты

АСТАНА. ҚазАқпарат - Оңтүстік Африка Республикасында жексенбі күні көмір өндірісінде 30 мыңға жуық жұмысшы ереуілге шықты, деп хабарлады «РИА Новости» Франс Пресс агенттігіне сілтеме жасай отырып.

Жұмысшылар мен жұмыс беруші арасындағы қайшылық жалақыға қосылатын үстеме мөлешіріне келісе алмағаннан шыққан. Шахтерлер жалақының 14 пайызға (75 доллар) көтерілуін талап етсе, жұмыс беруші 8 пайыздан артық бере алмайтынын айтқан. Агенттіктің хабарлауынша, үш айдан бері созылған екіжақты келіссөздер еш нәтиже бермеді. Шеруге Exxaro және Glencore тау-кен өндірісінің жұмысшылары қатысып жатыр. Жалпы, аталған елде 90 мыңға жуық шахта жұмысшылары бар.