ОҚО-да ақша бопсалаған балабақшаның жетекшісі ұсталды
ШЫМКЕНТ. 15 маусым. ҚазАқпарат - ОҚО қаржы полицейлері «Балапан» балабақшасы жетекшісінің міндетін уақытша атқарған әйелді құрықтады. Тергеудің мәліметтеріне сүйенсек, өзінің қызметтік лауазымын пайдаланған ОҚО тұрғыны қоластындағы қызметкерден ақша бопсалаған. Есесіне басшы жұмыс орнын сақтауға уәде беріп, өзінің бұл қызметін 40 мың теңгеге бағалаған.
Бүгінгі таңда балабақша жетекшісінің міндетін уақытша атқарған әйелге қатысты ҚР ҚК 311-бабы 4-б., «а» тармағы «Пара алу» бойынша қылмыстық іс қозғалды.
Күдікті соттың санкциясымен қамауға алынды.
