ОҚО-да ит қапқан 5 жасар қыз құтыру ауруынан көз жұмды

АСТАНА. 4 шілде. ҚазАқпарат - ОҚО-да 5 жасар қыз құтыру ауруынан көз жұмды. Бұл туралы ҚР АШМ-нің баспасөз қызметі хабарлады.

Ағымдағы жылдың 20 маусымында Оңтүстік Қазақстан облысы Сайрам ауданы Қарасу ауыл округінің Ақбастау елді мекенінен 5 жасар қыз «іш ауруы» алдын ала диагнозымен  Сайрам ауруханасына жеткізілді. Ол көп ұзамай қайтыс болды.

 Талдауға сәйкес 4 маусымда кішкентай қыз баланы ит қауып алған. Содан бастап дертке шалдыққан бүлдіршін мен отбасы мүшелері құтыру ауруына қарсы 4 рет егілді.

 20 маусымда ұсталған иттің патологиялық материалы аудандық мал дәрігерлік зертханаға жөнелтілді. Қазіргі уақытта қорытынды диагнозды анықтау мақсатында зертханалық талдау жүргізілуде.