Оңтүстік Қазақстан облысында «Жол картасы» бағдарламасы аясында суару арналары жөнделіп жатыр
ШЫМКЕНТ. Мамырдың 6-сы. ҚазАқпарат /Татьяна Пылаева/ - Оңтүстік Қазақстан облысында «Жол картасы» бағдарламасы аясында ауыл шаруашылығының суару жүйелеріне кең көлемде жөндеу жұмыстары жоспарланған,
деп хабарлайды ҚазАқпарат тілшісі. Облыстық коммуналдық меншікке қарайтын 2 335 шақырым суару арналарының 73,7 пайызы немесе 1 772 шақырымы жөнделмек. «Жөндеу жұмыстарына 5 180 адам тартылғалы отыр. Пайдалануға бөлінген жерлерде 22 035 адам тұрақты жұмыспен қамтылмақ», дейді еңбекпен қамту және әлеуметтік бағдарламалар басқармасының бастығы Жеңісбек Мәуленқұлов.
