Оңтүстік Корея алғаш рет КХДР-ды Қауіпсіздік кеңесіне шақырды

АСТАНА. ҚазАқпарат - Оңтүстік Корея Республикасы 9-11 қыркүйекте Сеул қаласында өтетін аймақтың қауіпсіздік кеңесіне Корея Халықтық Демократиялық Республикасын шақырды, деп хабарлады «РИА Новости» оңтүстіккореялық қорғаныс министрлігіне сілтеме жасай отырып.

«2012 жылдан бері өтіп келе жатқан форумға Оңтүстік Корея алғаш рет КХДР-ды шақырды», делінген Ренхап агенттігі ақпаратында.

Пхеньян Сеулдың шақыруына әзір жауап берген жоқ. Аймақтың қауіпсіздік Кеңесіне 30-дан астам елдің Қорғаныс министрлері қатысады.