Оңтүстік Кореяда америкалық ЗҚҚ жүйесі құрылды

АСТАНА. ҚазАқпарат - Оңтүстік Кореяда орналасқан АҚШ-тың THAAD зымыранға қарсы қорғаныс жүйесі ракеталарды қағып түсіруге дайын тұр, деп хабарлады РИА Новостиге АҚШ-тың Оңтүстік Кореядағы әскери құрамының өкілі Роб Мэннинг.

«АҚШ-тың Кореядағы қарулы күштері THAAD жүйесі құрылып, Солтүстік Кореяның ракеталарын қағып түсіруге және Оңтүстік Кореяны қорғауға дайын екендігін растады», - деді ол.

Айта кетейік, ондағы АҚШ-тың THAAD батареясы TPY-2 TM радарымен жасақталған. Оның шолу радиусы 200 километрден аспайды.