Оңтүстік Кореядағы орман өрті: төрт адам қаза тауып, алтауы жараланды
АСТАНА. KAZINFORM – Күшті желдің әсерінен болған өрт елдің оңтүстік-шығыс аймақтарын шарпыды деп хабарлайды Yonhap.
Төтенше жағдайлармен күрес басқармасының хабарлауынша, күшті желдің салдарынан болған орман өртінен кемінде төрт адам қаза тауып, алты адам жараланған, сондай-ақ шамамен 1 500 адам эвакуацияланған.
Өрт жұма күні Сеулден оңтүстік-шығысқа қарай 250 шақырым қашықтықтағы Санчхон округінде басталып, басқа аймақтарға таралған.
Жарақат алған алты адамның бесеуі ауыр жараланған. Орталық апаттарға қарсы іс-қимыл және қауіпсіздік штабының мәліметінше, барлық құрбан болған адамдар Санчхон ауданынан табылған.
Диспетчерлік мұнара басшысының орынбасары Ли Хан Гён өрт сөндірушілерге орман өртін жедел бақылауға алу үшін барлық қолжетімді ресурсты жұмылдыруды тапсырды.
— Орман өрті құрғақ ауа райының әсерінен тез таралып, адамдардың өміріне қауіп төндіріп отыр, — деді Ли төтенше жағдайларға әрекет ету жөніндегі кеңесте.
Ол өртті сөндіруге бар күшін салатынын айтты.
At least three firefighters and a public servant have died in a wildfire in South Korea, prompting the government to declare a state of emergency in southeastern regions, officials said on Saturday, March 22.
— TRT World (@trtworld) March 22, 2025
The fire broke out in Sancheong County on Friday afternoon, while… pic.twitter.com/F0xkJzeNBX
Өрт сөндірушілер жалынды ауыздықтау үшін бар күшін жұмсап жатыр, ал өртті сөндіруге шамамен 30 тікұшақ жұмылдырылған. Билік өкілдерінің мәлімдеуінше, жексенбі таңындағы жағдай бойынша Санчхонда өрттің 30 пайызы бақылауға алынған.
Айта кетелік Оңтүстік Кореяда үш өңірдегі орман өртіне байланысты төтенше жағдай енгізілді.
