ОПЕК+ «сегіздігі» маусымда мұнай өндіруді ұлғайтады: Қазақстанның квотасы қандай
АСТАНА. KAZINFORM – Мұнай өндіруге ерікті шектеу ұстанатын ОПЕК+ сегіз елі (Сауд Арабиясы, Ресей, Ирак, БАӘ, Алжир, Кувейт, Қазақстан және Оман) маусымда мұнай өндіру көлемін мамыр айымен салыстырғанда тәулігіне 411 мың баррельге ұлғайтады, деп хабарлайды ТАСС.
ОПЕК өз мәлімдемесінде мамыр, маусым айында өндірісті ұлғайту көлемі үш ай ішінде өндірісті арттыру туралы бастапқы жоспарға сәйкес келетінін атап өтті.
ОПЕК сайтында ұсынылған кестеге сәйкес, Қазақстан маусым айында мұнай өндіруді 1,500 млн б/с дейін, Ресей 9,161 млн б/с дейін, Сауд Арабиясы 9,367 млн б/с дейін арттыра алады.
ОПЕК мәлімдемесінде сонымен қатар маусым айында өндірістің өсуін жеделдету туралы шешім мұнай нарығындағы қазіргі «сау» факторлар мен әлемдегі коммерциялық қорлардың төмендігі аясында қабылданғанын атап өтті. ОПЕК нарық жағдайына байланысты өндірісті ұлғайту тоқтатылуы немесе жойылуы мүмкін екенін тағы да атап өтті.
- Бұл мұнай нарығында тұрақтылықты сақтауға мүмкіндік береді, - делінген хабарламада.
Сонымен қатар бұл шешім мұнай өндіруді қысқарту жөніндегі келісім мөлшерінен асып кетуіне жол берген елдерге артық өндірісті өтеуді жеделдетуге мүмкіндік береді, деп қосты ОПЕК.
ОПЕК+ сегіз елі мұнай нарығының жай-күйін, ОПЕК + мәмілесінің орындалу деңгейін және өтемақыларды талдау үшін ай сайын кездесіп тұрады.
Шілде айындағы өндірістік жоспарды анықтайтын келесі кеңес 1 маусымда өтеді.
Айта кетейік, ОПЕК+ мұнай көлемін нарыққа кезең-кезеңімен қайтарудың кестесіне түзету енгізеді.
