Орал қаласында автокөлік екі бірдей адамды қағып, оның біреуі оқиға орнында көз жұмды
ОРАЛ. Қыркүйектің 25-і. ҚазАқпарат /Ғайсағали Ералы/ - Қыркүйектің 24-інде Орал қаласындағы Достық және Еуразия даңғылдарының қиылысында қатты келе жатқан «Фольксваген» автокөлігі жол жиегіне шығып кетіп, екі бірдей адамды қақты,
деп хабарлайды ҚазАқпарат тілшісі.
Елу-алпыс жас шамасындағы әйел адам оқиға орнында көз жұмса, 1990 жылы туған қыз түрлі жарақатпен ауруханаға жеткізілді. Қазіргі кезде апаттың себеп-салдары анықталуда.
Жалпы, биыл облыста жол-көлік оқиғаларынан қырықтан астам адам қаза тапты.
