Оралда әнші А.Құрмекешевті еске алу кеші болды
ОРАЛ. Қыркүйектің 24-і. ҚазАқпарат /Ғайсағали Ералы/ - Оралдағы жастар шығармашылығы орталығында батысқазақстандық әнші-сазгер, халықаралық және республикалық байқаулардың лауреаты Асхат Құрмекешевті еске алу кеші болды,
деп хабарлайды ҚазАқпарат тілшісі.
Әншінің дүниеден өткеніне бір жыл толуына орай ұйымдастырылған кешке батысқазақстандықтармен қатар Қазақстанның басқа аймақтарынан келген өнерпаздар да қатысты. Олардың арасында театр және кино әртісі Еділ Рамазанов, «Атамекен» халықаралық фестивалінің бас жүлдегері Асхат Үрпеков бар.
Кеште әншінің жеке үнтаспасының таныстырылымы да болды.
