Оралда «Біз нашақорлыққа «Жоқ!» дейміз» атты іс-шара ұйымдастырылды

ОРАЛ. Қазанның 2-сі. ҚазАқпарат /Ғайсағали Ералы/ - Жәңгір хан атындағы Батыс Қазақстан аграрлық-техникалық университетінде «Біз нашақорлыққа «Жоқ!» дейміз» атты іс-шара өткізілді,

деп хабарлайды ҚазАқпарат тілшісі.

Сегіз мыңға жуық студенті бар білім ордасында салауатты өмір салтын насихаттауды мақсат еткен шара барысында мамандар нашақорлықпен және есірткі бизнесімен күрес шаралары жөнінде мәлімет беріп, баяндама жасады. Нашақорлық туралы фильм көрсетіліп, шара соңы концерттік бағдарламаға ұласты.