Оралда Президенттікке кандидат Н.Назарбаевтың сайлауалды штабы құрылды

Штаб төрағасының орынбасары, облыстық мәслихат депутаты Бауыржан Тұмановтың айтуынша, штабтың мақсаты - Н.Назарбаевтың сайлауалды бағдарламасын ел ішінде кеңінен түсіндіру, үгіт-насихат жұмыстарын жүргізу және оның кандидатурасын жан-жақты қолдауға қол жеткізу. Штаб филиалдары барлық ауданда құрылды. Мың жарым сенімді өкіл тіркеліп, белсенді жұмысын бастап та кетті. Штабтың әр мүшесі Президент сенген өкіл болып есептеледі.

Қоғамдық штаб мүшелерінің арасында Ұлы Отан соғысының ардагері Хамза Сафин, Қазақстан халқы БҚО ассамблеясы төрағасының орынбасары Сергей Погодин, көп жылдар облыстық сайлау комиссиясының төрағасы болған Марат Оразғалиев, еңбек ардагері Роза Көжекова, өлкетанушы Жайсаң Ақбай, облыстық мәслихаттың депутаты, кәсіпкер Ришат Хайруллин сияқты облысқа белгілі адамдар бар.