Оралдық балғын қобызшы биыл дара өнерімен ерекше көзге түсті

ОРАЛ. Желтоқсанның 23-і. ҚазАқпарат /Елжан Ералы/ - Орал қаласындағы дарынды балаларға арналған С.Сейфуллин атындағы №11 облыстық мектеп-интернаты кешенінің 8-сынып оқушысы Әсем Байдиева биыл дара өнерімен ерекше көзге түсті,

деп хабарлайды ҚазАқпарат тілшісі.

Бұдан бұрын ол Алматыда өткізілген жас орындаушылардың республикалық дәстүрлі байқауында үшінші орынды иеленген болатын. Ал таяуда V халықаралық «Астана-Мерей» жас орындаушылар байқауынан бұдан бір сатыға жоғарылап, екінші дәрежелі дипломмен оралды. Аталмыш байқауға 45 қобызшы қатысса, соның 21-і үлкен, 24-і кіші топта сынға түскен. Ә.Байдиева төменгі топтағылар арасынан екінші орынға көтерілді. Әсем қобызға екінші сыныптан бастап маманданып келеді. Жетекшісі - Мереке Хайырова.