Оралдың «Ақжайығы» өз алаңында жеңіске жетті

ОРАЛ. Тамыздың 30-ы. ҚазАқпарат /Ғайсағали Ералы/ - Тамыздың 29-ында футболдан Қазақстан чемпионатының бірінші лигасындағы командалар арасында кезекті турдың ойындары өткізілді,

 деп хабарлайды ҚазАқпарат тілшісі.

Өз алаңында Тараздың ОСШИОСД командасын қабылдаған Оралдың «Ақжайығы» 2:0 есебімен жеңіске жетті. Оралдықтардан Руслан Хайыров пен Артур Авакянц мергендік танытты.

Бұл турда Семейдің «Спартагын» 5:1 есебімен ұтқан Алматының «Қайратының» еншісінде 39 ұпай болса, «Ақжайық» 37 ұпаймен екінші орында келеді.

Оралдықтар келесі ойынын өз алаңында қыркүйектің 9-ында «Түркістан» командасымен өткізеді.