Оралдың «Конденсатынан» ел құрамасына қос ойыншы шақырылып отыр

деп хабарлайды ҚазАқпарат тілшісі. Команданың тәжірибелі ойыншыларының бірі Қайрат Байбеков пен Виталий Вориводин (олардың екеуі де ? Орал волейболының түлегі) мамырдың 5-інде атақты жаттықтырушы Геннадий Паршин баптайтын Қазақстан құрамасымен бірге Түркияға аттанбақшы. Онда қазақстандықтар Қытайдың Тайпэйінде мамырдың 22-24-інде өтетін әлем чемпионатының іріктеу кезеңіне әзірленбекші. Биылғы ел чемпионатында сондай-ақ тағы бір оралдық жас ойыншы Мирлан Бадашев та жақсы өнер көрсетті.