Өскеменде жолаушы тасымалдап келе жатқан трамвай түтіндеп кетті

ӨСКЕМЕН. ҚазАқпарат – Өскемен қаласында жолаушы тасымалдап келе жатқан трамвай түтіндеп кетті, деп хабарлайды ҚазАқпарат тілшісі.

ШҚО төтенше жағдайлар департаменті баспасөз қызметінің мәліметіне сүйенсек, оқиға бүгін Өскемендегі Сағадат Нұрмағамбетов көшесінде болған.

Жүріп келе жатқан трамвай кенет түтіндеп кеткен.

«Трамвай қатты түтіндеп кеткендіктен тоқтап, сол жерге құтқарушылар келіп жетті. Іште болған жолаушылар түгел далаға шығарылды. Абырой болғанда, зардап шеккен ешкім жоқ», - делінген ақпаратта.

Белгілі болғандай, бұған қысқа тұйықталу себеп болған. Түтіндегенмен трамвайда өрт шықпады.

Еске салсақ, осыған дейін Өскемен қаласында қызметтік көлікпен жол апатына түскен 4 полицей жарақат алғанын хабарлаға болатынбыз.