Отандық білім саласына меценаттардың 6 млрд. теңгесі құйылды ? Ж.Түймебаев

АСТАНА. Қаңтардың 22-сі. ҚазАқпарат /Арман Асқаров/ - 2008 жылда еліміздің білім саласына меценаттық мақсатпен 6 млрд. теңге көлемінде қаражат құйылды. Бұл туралы бүгін ҚР Премьер-Министрі Кәрім Мәсімовтың қатысуымен өткен ҚР Білім және ғылым министрлігінің 2008 жылдың қорытындысына арналған кеңейтілген алқа мәжілісінде аталған ведомствоның басшысы Жансейіт Түймебаев мәлім етті,

деп хабарлайды ҚазАқпарат. Министрдің сөзіне қарағанда, меценаттар республика бойынша 16 мектеп пен 12 спорт кешенінің құрылысына қолдау көрсетіп, 57 мемлекеттік білім беру ошақтарының материалдық-техникалық базасын жаңартты. «Жалпы, өткен жылы отандық білім саласына меценаттардың 6 млрд. теңгесі құйылды», - дейді Ж.Түймебаев.