Өткен айда республикада инфляция деңгейі 0,2 пайыз болды
деп хабарлайды ҚазАқпарат ҚР Статистика агенттігіне сілтеме жасап.
Агенттіктің хабарлауынша, өткен айда азық-түлік тауарларға бағалар 0,5 пайызға төмендеді, ал азық-түлік емес тауарларға - 0,8 пайызға, ақылы қызметтерге - 0,6 пайызға артты.
Тамызда азық-түлік тауарлар нарығында бағалар картопқа - 7,7 пайызға, жаңа піскен көкөністерге - 5,9 пайызға, жемістерге - 2,8, шикі сүтке - 1,2, жұмыртқаға - 0,8, нан, жармалар мен қантқа - 0,2 және ұнға 0,1 пайызға төмендегені байқалды. Бағалардың қымбаттауы күріш пен кофеге - 1,1 пайызға, өсімдік майына - 0,6 пайызға, алкогольді ішімдіктерге - 0,5 пайызға, балыққа және ет өнімдеріне - 0,2 пайызға тіркелді.
Жеке гигиеналық тауарлардың бағасы 0,3 пайызға, киім мен аяқ киім - 0,5, медициналық препараттар - 0,9, кітаптар мен газеттер - 1,2 және кеңсе заттарының бағасы - 4,4 пайызға артты. Сондай-ақ бензин 5,8-ге және дизель жанар майы 0,7 пайызға қымбаттады.
Сонымен қатар, теміржол жолаушылар көлігі қызметтерінің бағасы 1 пайызға, денсаулық сақтау - 0,9, білім беру - 0,7 және мәдениет - 0,3 пайызға қымбаттады. Тұрғын үй-коммуналдық қызметтер саласында тарифтер электр энергиясына (2,7 пайызға) мен ыстық суға (1,1) өссе, үлестіру жүйелерімен жеткізілетін газ керісінше - 0,5 пайызға арзандады.