Өткен түнде Курчатов қаласы маңында дала өртенді

СЕМЕЙ.   Шілденің   8-і.  ҚазАқпарат /Лина Славина/ -    Шығыс  Қазақстан   облыстық төтенше жағдайлар   жөніндегі    департаменттің  мәліметтері  бойынша,  өткен тәулікте     өңірде  8 өрт оқиғасы    болды.

 Ведомство  мамандары    қажетті  құтқару  шараларын  жүргізді,  деп   хабарлайды  ҚазАқпарат тілшісі.

 Ведомство  мамандарының    пікірінше, өрттің    шығуының    негізгі  себебі  -  халықтың    өрт қауіпсіздігін сақтаудағы абайсыздығы. Дәл осындай себептен    Курчатов  қаласының  шығыс   жағында  15-20 шақырымдай  жерде    дала өртенді.     90 гектар   алқапқа жайылған    тілсіз  жаумен   құтқарушылар   түні  бойы арпалысты.    Өртті сөндіруге 39 адам  және 6 арнаулы техника жұмылдырылды.