Өткен жылдың соңында 1954 адам жұмыссыздар ретінде есепке алынды - Ақмола облысы

КӨКШЕТАУ. 20 қаңтар. ҚазАқпарат /Жанмұрат Жанайдаров/ -Ақмола облыстық статистика департаментінің деректері бойынша, өңірде өткен жылдың соңында жұмыссыздар қатарында 1954 адам есепке алынды, бұл бұрнағы жылмен салыстырғанда 323 адамға аз.

Жұмыссыздар қатарында есепке алынғандар еңбекке белсенді адамдардың 0,4 пайызын құрайды, бұл 2009 жылмен салыстырғанда 0,1 пайызға төмен. Екі қолға бір күрек таппағандардың 1198-і ауыл тұрғындары болса, 1310-ы әйелдер. Жыл ішінде 862 адам жұмысқа орналастырылған, ал 81-і ақылы қоғамдық шараларға тартылып отыр. Ағымдағы жылдың 1 қаңтарына дейінгі мәліметтерге сәйкес 4 кәсіпорын жұмысын тоқтатқан, 15 адам жартылай жұмыс күніне қабылданса, үшеуі уақытша демалысқа жіберілген.