Өткен жылы Қазақстанның сыртқы сауда айналымы 71 млрд. 604,4 млн. АҚШ долларын құрады
деп хабарлайды ҚазАқпарат ҚР Статистика агентігіне сілтеме жасап.
«2009 жылғы қаңтар-желтоқсанда сыртқы сауда айналымы (Қазақстан Республикасы Кедендік бақылау комитетінің деректері, ұйымдаспаған сауда есебінсіз) 71 млрд. 604,4 млн. АҚШ долларын құрып, 2008 жылғы қаңтар-желтоқсанмен салыстырғанда 34,4 пайзыға азайды, оның ішінде экспорт - 43 млрд. 195,7 млн. АҚШ долларын (39,3 пайызға азайды), импорт - 28 млрд. 408,7 млн. АҚШ долларын құрады (25 пайызға азайды)», делінген Статистика агентігінің бүгін таратқан хабарламасында.
Агенттіктің мәліметінше, 2010 жылдың қаңтарында бөлшек сауда тауар айналымы (қоғамдық тамақтандыру айналымынсыз) 221138,5 млн. теңгені құрап, 2009 жылғы қаңтармен салыстырғанда 11,8 пайызға өскен. Сондай-ақ, есепті кезеңде көтерме сауда тауар айналымы 424961,9 млн. теңгені құрап, 2009 жылғы қаңтармен салыстырғанда -17,1 пайызға артқан.
