Өзбекстанда метан газ құю станцияларына қойылған шектеулер кезең-кезеңімен алынып тасталады

ТАШКЕНТ. KAZINFORM — Өзбекстан Энергетика министрлігінің баспасөз қызметі 6 наурыз күні сағат 09:00–ден бастап бүкіл ел бойынша метан газ құю станциялары өз жұмысын кезең-кезеңімен қалпына келтіретінін мәлімдеді, деп хабарлайды Kazinform агенттігі ӨзА-ға сілтеме жасап. 

Наурыз айының басында ауа температурасының күрт төмендеуіне байланысты табиғи газ тұтыну артып, құбырлардағы қысым төмендеді. Сондықтан халықты, әлеуметтік сала нысандарын көгілдір отынмен қамтамасыз ету басты назарда болды. Метан газ құю станциялары уақытша жұмысын тоқтатты.

Қабылданған шұғыл шаралардың нәтижесінде газ құбырларындағы қысым тұрақтандырылды.
Бүгіннен, 6 наурыздан бастап барлық өңірлерде метан газ құю станциялары жұмысын қайта бастайды.

Еске сала кетейік, 20 наурыздан бастап Өзбекстанда Temu бұғатталады.