Өзбекстаннан жеткізілетін тауарлардың кедендік жиыны ҚР қазынасын 10 млрд. теңгеден астам сомаға толтырды
ШЫМКЕНТ. 16 мамыр. ҚазАқпарат - 4 ай ішінде Өзбекстанның аумағынан Қазақстанға кеден төлемі мен салықтан 10 млрд. теңге түскен тауарлар әкелінді,
деп хабарланды Оңтүстік Қазақстан облысы бойынша Кедендік бақылау департаментінің баспасөз қызметінен.
ОҚО бойынша КБД-нің баспасөз қызметінен хабарланғандай, департаментпен Өзбестен Республикасынан келетін тауар импортының құрылымы, көліктің артылуы, тауар классификациясы мен кеден құны мониторинг арқылы жүйелі түрде тексеріліп тұрады.
«Қаңтар-сәуір айларында мемлекеттің бюджетіне кеден төлемі мен салықтың 10 млрд. 282,9 млн. теңге сомасы өтелді. 8 млрд. 702,1 млн. теңге болжамында ҚР Кедендік бақылау комитетінің болжамдық тапсырмасы 118 пайызға орындалды», - деді Б. Каюпова.
1 мамырда ОҚО-нан республикалық бюджетке түсетін кеден төлемі мен салықтың үлесі 27,5 пайызды құрады.
