Пәкістанда автобус апатқа ұшырады, 13 адам көз жұмған
АСТАНА. ҚазАқпарат - Пәкістанның солтүстік-батысында автобуста газ баллоны жарылып, 13 адам көз жұмды. Сондай-ақ алты адам зардап шеккен, деп хабарлайды РИА Новости.
Автобус Карак аймағында той көліктерінің қатарында келе жатқан. Жол жиегіне шығып кеткен автобус жыраға құлайды, нәтижесінде газ баллоны жарылған. Қаза тапқандар арасында 5 әйел мен 5 бала бар. Оқиға кезінде автобуста болған адамдар саны әлі анықталып жатыр.
