Пәкістандағы қуатты жер сілкінісінен үш адам ажал құшты
АСТАНА. ҚазАқпарат - Сенбі күні Пәкістан астанасына жақын маңда болған жер сілкінісінен үш адам көз жұмды, деп хабарлайды Синьхуа жергілікті БАҚ-тарға сілтеме жасап.
Олардың мәліметінше, күшті жер асты дүмпулерінің салдарынан үйлері қирап қалған бір отбасының үш бірдей мүшесі көз жұмған. Оқиға Пәкістанның солтүстік-батысында орналасқан Хайбер-Пахтунхва провинциясындағы Абботтабад қаласында орын алған.
АҚШ геологиялық қызметінің хабарлауынша, магнитудасы 5,5 болған жер сілкінісі сенбі күніне қараған түні Исламабад маңында орын алған. UTC уақыты бойынша сағат 20:59-да ел астанасынан солтүстік-шығысқа қарай 15 шақырым қашықтықа жерасты дүмпулері тіркелген. Жер сілкінісінің ошағы 26 шақырым тереңдікте орналасқан.
