Пара алуға оқталғаны үшін монополияға қарсы мекеме қызметкері 7 жылға бас бостандығынан айрылды - БҚО
ОРАЛ. 28 мамыр. ҚазАқпарат - Орал қалалық сотының үкімімен БҚО бойынша монополияға қарсы инспекцияның бас маманы ҚР ҚК 24-бабы 3-бөлімі және 311-бабы 4-бөлімі «в» тармағына сәйкес делдал арқылы ірі көлемде пара алуға оқталғаны үшін жеті жылға бас бостандығынан айрылды.
Облыстық соттың баспасөз қызметінен түскен мәліметке қарағанда, аталған қызметкер оң қорытынды беру үшін жеке кәсіпкерден 3 млн. теңге алуға әрекет жасаған кезде ұсталған болатын.
Сонымен қатар мүлкі де тәркіленетін сотталушы жазасын жалпы режимдегі түзеу колониясында өтейді.
