Париж-2024: Қазақ спортшылары Олимпиадада қандай спорт түрлерінен сынға түседі

АСТАНА. KAZINFORM – Санаулы күндерден кейін, нақтырақ айтсақ, 26 шілде күні Франция астанасы Парижде XXXIII жазғы Олимпиада ойындарының алауы тұтанады.

Олимпиада Париж
Фото: olympics.com

Қазақстан спортшылары бүгінгі күнге дейін 25 спорт түрінен 92 лицензия жеңіп алды.

Нақтырақ айтсақ, бокс, дзюдо, спортттық гимнастика, жеңіл атлетика, байдарка мен каноэде есу, оқпен ату, семсерлесу, грек-рим күресі, еркін күрес, садақ ату, стендтік ату, теннис, велошоссе, жүзу, заманауи бессайыс, таеквондо, велотрек, батут гимнастикасы, бадминтон, академиялық есу, көркем гимнастика, триатлон, үстел теннисі, құзға шығу және брейкингтен Олимпиада ойындарында сынға түседі.

Жекелеген спорт түрлері бойынша қазақстандық боксшылар ең көп жолдаманы жеңіп алды.

Ерлер құрамасы Олимпиадаға толық құрамда (7 боксшы), ал әйелдер құрамасынан 3 боксшы жалпы 10 боксшы сынға түседі.

Одан кейінгі ең көп жолдаманы татами шеберлері жеңіп алды. Онда ерлер 5 салмақта, ал әйелдер 3 салмақта ел намысын қорғамақ. Үшінші орында жеңіл атлеттеріміз (7 спортшы) тұр.

Өкінішке қарай, биылғы Париж Олимпиадасына ауыр атлетеріміз бен әйелдер күресінен бірде-бір спортшымыз жолдамаға қол жеткізе алмады.

Қай спорт түрінен қанша жолдама жеңіп алғанымыз туралы толық ақпаратты кестеден таба аласыз. 

Олимпиада лицензиялары
Фото: Kazinform

 

Соңғы жаңалықтар