Парламент Мәжілісінің депутаты жеке сауалдары бойынша тұрғындарды қабылдады

КӨКШЕТАУ. Желтоқсанның 7-сі. ҚазАқпарат /Жанмұрат Жанайдаров/ - Өңірге іссапармен келген ҚР Парламенті Мәжілісінің депутаты Аманжол Жазин «Нұр Отан» ХДП Ақмола облыстық филиалының қоғамдық қабылдауында өңір тұрғындарының жеке сауалдарына жауап берді,

деп хабарлайды ҚазАқпарат тілшісі.

 Бұл жолы отызға тарта сайлаушы қабылдауда болып, талап-тілегін қанағаттандырды. Сауалдардың дені коммуналдық тұрғын-үй, сапалы ауыз су, коммуналдық төлемдер бағасының қымбаттауы, ипотекалық төлемді жеңілдету, құқық қорғау орындарындағы заңсыздықтар, сот шешімімен келіспеу, зейнетақыны есептеудегі оралымсыздық, ауылдың тұрмыс тауқыметі жайында өрбіген. Мәжіліс депутаты өз кезегінде солардың бірқатарын жергілікті жерде шешуге жәрдемдесіп, енді бір тобын өз бақылауына алатынын білдірді.