Павлодар облыстық құрылыс басқармасына жаңа бастық тағайындалды

ПАВЛОДАР. Қаңтардың 7-сі. ҚазАқпарат /Вера Ливинцова/ - Павлодар облысының әкімі Бақытжан Сағынтаевтың өкімімен Рүстем Баширов облыстық құрылыс басқармасының бастығы болып тағайындалды,

деп хабарлайды ҚазАқпарат. Р.Баширов 1975 жылы Павлодарда туған. Павлодар мемлекеттік университетін - құрылысшы-инженер мамандығы, Қазақтың құқықтану және халықаралық қатынастар институтын заңгер мамандығы бойынша тәмамдаған. 1999-2001 жылдары Павлодардың абаттандыру басқармасында маман болып қызмет етсе, 2001-2002 жылдары коммуналдық шаруашылық, көлік және коммуникация департаментінде бас маман болған. 2002-2008 жылдары - сәулет және қала құрылыс департаментінде бас маман, бөлім басшысы, департамент директорының орынбасары қызметтерін атқарған. Жаңа лауазымға тағайындалғанға дейін облыстық сәулет және қала құрылысы басқармасы бастығының орынбасары болып еңбек еткен.