Павлодар облысында өнеркәсіп өндірісінің көлемі жеті айда 1,3 пайызға өсті
ПАВЛОДАР. 20 тамыз. ҚазАқпарат - Павлодар облысында қаңтар-шілде айларында өнеркәсіп өндірісінің көлемі өткен жылдың осындай кезеңімен салыстырғанда 1,3 пайызға өсіп, 610,9 млрд. теңгені құрады, деп хабарлады статистика департаментінің баспасөз қызметінен.
Өңдеу өнеркәсібіндегі өсім - 2,4 пайызды, электрмен жабдықтау, бу және газ беруде - 5,2 пайыз болды.
Тау-кен өндірісі мен карьерлерді өңдеуде өндіріс көлемі 0,7 пайызға төмендеді.
Ауыл шаруашылығында жеті айда ішкі өнім көлемі 30,7 млрд. теңгені құрады - физикалық көлемнің индексі 97,8 пайыз болды.
Бұл кезеңде облыстағы инвестициялар көлемі 105 млрд. теңгені құрады, бұл өткен жылдың сәйкес кезеңімен салыстырғанда 18,7 пайызға көп.
