Павлодар облысында жол апатынан екі әйел адам қаза тауып, екі бала ауруханаға жеткізілді

АСТАНА. ҚазАқпарат - Павлодар облысында Ауди мен ВАЗ-2115 көліктері қақтығысып, салдарынан екі әйел адам көз жұмды. Бұл туралы Шарбақты ауданы Хмельницкое ауылындағы отбасылық дәрігерлік амбулаториясы хабарлады, деп жазадыpavlodarnews.kz.

-Жол апатынан екі әйел көз жұмды. Олардың бірі жүктіліктің 17 апталық мерзімінде болған. Қос көліктің бірінде отырған екі бала облыстық балалар ауруханасына жеткізілді. Олардың бас сүйек-миы зақымданған, - деді Хмельницкое ауылының жедел жәрдем дәрігері Асылтас Каирденова.