Павлодар облысының прокуроры отставкаға рапорт берді
Жұма күні журналистерге берген брифингте Н.Исаев, өтінішті «Прокуратура қызметкерлерінің ар-ожданы кодексін басшылыққа ала отырып және моральдық-этикалық тұрғыдан» жазғанын мәлім етті.
Оның қарамағындағы Ертіс ауданының прокуроры қазанның 26-сында 3 мың доллар пара алу үстінде ұсталған болатын. Келесі күні прокуратура Ұлттық қауіпсіздік комитетінің Павлодар облысы бойынша тергеушілерінің ҚР Қылмыстық кодекс бойынша 311-ші бабы негізінде қылмыстық іс қозғауларының негізділігін тексерді.
«Ондай фактінің орын алғанына көз жеткіздім және мен облыс прокуроры қызметін атқаруға моральдық құқығым жоқ деген шешімге келдім. Ертіс ауданы прокурорының кінәлі-кінәлі еместігін сот шешеді», деді Н.Исаев.