Павлодар оқушыларының жазғы демалыстарын өткізудегі жаңа үлгілері

ПАВЛОДАР. Шілденің 9-ы. ҚазАқпарат /Николай Кузнецов/ - Бүгін Павлодардағы Достық үйінде Еңбекпен қамту және балалар шығармашылығы орталығының «Art одақ» атты жазғы жобасының финалы болады,

деп хабарлады Павлодар қаласы әкімінің баспасөз орталығы.

Қаланың 30 жалпы білім беру мектептері, интернаттар мен балалардың демалыс клубтарынан 2 500-ден астам оқушы жазғы демалыстың жаңа түрін танымал етіп, балалар қылмысын алдын алу мен ескерту үшін тоғыз шығармашылық ұйым құрды.

Финалдық концертке ең үздік қойылымдар таңдалған.

Жеңімпаздар естелік сыйлықтар және жүлделермен марапатталатын болады.