Павлодарда бизнес серіктесін өлтірген күдікті Ресей аумағында ұсталды

АСТАНА. KAZINFORM — Кісі өлтіру фактісі бойынша ҚР Қылмыстық кодексінің 99-бабы бойынша алдын ала тергеу басталды, деп хабарлайды Павлодар облысының прокуратурасы.

Павлодар облысы прокуратурасының үйлестіруімен Ресей Федерацияның Красноярск өлкесінің Шарыпово қаласында Қазақстанның азаматы, бизнес серіктесін өлтіргені үшін күдікті ретінде жедел іздестіру шаралары барысында ұсталды.

— Қазір кісі өлтіру фактісі бойынша ҚР Қылмыстық кодексінің 99-бабы бойынша алдын ала тергеу басталды. Қазіргі уақытта прокуратура күдіктіні Қазақстан Республикасына экстрадициялау үшін шаралар қабылдап жатыр. Бұл қылмыс үшін 15 жылға дейін бас бостандығынан айыру жазасы қарастырылған, — делінген ведомство таратқан ақпаратта.

Еске салсақ, биылғы жылдың ақпан айында полиция қызметкерлері жедел-іздестіру шараларын жүргізу барысында Павлодар қаласындағы үйлердің бірінің ауласында кәсіпкердің мәйітін тапқаны хабарланған еді.

Бұған дейін Павлодар облысында ҚТЖ қызметкері есірткі таратумен айналысқаны белгілі болды.