12:07, 07 Қаңтар 2010 | GMT +5
Павлодарда электр, жылу, су және кәріз тарифтері қымбаттады
ПАВЛОДАР. Қаңтардың 7-сі. ҚазАқпарат /Вера Ливинцова/ - Қаңтар айынан бастап табиғи монополия ұйымдары коммуналдық қызметтердің тарифтерін көтеріп отыр.

Бұл туралы Табиғи монополияларды реттеу жөніндегі агенттіктің Павлодар облысы бойынша департаментінің директоры Қайырғали Төлендиев брифингте мәлім етті.
Қаңтардың 1-інен бастап Павлодарда жылу энергиясының тарифі қосымша құн салығын қоса есептегенде 7,5 пайызға өсті. Ал қаңтардың 5-інен бастап суық судың бағасы 8 пайызға қымбаттап, қосымша құн салығын қоса есептегенде 19,23 теңге/текшеметрді құрамақ. Кәріздік қызметтің бағасы 7,4 пайызға жоғарылады. Ал қаңтардың 10-ынан бастап электр қуаты 15,9 пайызға көтеріліп, 1 киловаттың бағасы 8,07 теңгеге жетпек (қосымша құн салығын қосқанда).